Një shoqëri është e shëndoshë dhe demokratike kur një publik aktiv kërkon të influencojë në mënyrën si kontrollohen, menaxhohen dhe distribuohen të mirat publike. Kur palët e interesuara (qytetarët, organizatat e shoqërisë civile, qeveria, mediumet, dhe sektori privat) ndërveprojnë për të siguruar se qeveritë përgjigjen ndaj brengave të tyre, demokracia lulëzon. Prandaj, një shoqëri e fuqishme civile është përgjegjëse për të mbajtur të përgjegjshëm edhe sektorin publik edhe atë privat për veprimet e tyre dhe pasojat e atyre vendimeve. Të kesh një shoqëri civile vibrante ku ekziston një bashkëpunim i intensifikuar në mes të palëve të interesuara është esenciale për një shoqëri të shëndoshë demokratike.